66. Kesinɔnu xɔasitɔ

traduit de « Trésor incomparable »

1.
Kesinɔnu xɔasitɔ,
Xɔlɔ̃ dɔmenyuitɔ !
Wò ɖeka koe te ŋu ɖu
Míaƒe futɔ la dzi !
To wò ŋusẽ gã la me
Kpɔ míaƒe dziwo dzi ;
Wò, si ƒe míagbɔ nɔnɔ
Nye míaƒe dzɔgbenyui.
2.
Agbe ƒe vivivi la,
’Bolo, si megblẽa o,
Si nyia míaƒe luʋɔwo
Ne dɔ le wo wum la !
Wò ŋusẽ xɔna na mí
Le gbɔdzɔgbɔdzɔ me ;
Wò gbe doa dzidzɔ na mí
Le tetekpɔ me hã.
3.
Oo Ɖela ’menuvela
Nà be gbesiagbe la,
Míanɔ wò lɔlɔ̃ ɖɔm kpɔ,
’Ye míanɔ gbɔwò kpɔm.
Ne menye nenem o la,
Agbe la trɔ zua ku ;
Dzɔgbenyui gãtɔ ‘nye be
Míadzɔ dzi le ŋuwò.
4.
Yesu kesinɔnu gã,
Dzɔgbenyui vavãtɔ !
Futɔ la mateŋ’axɔ
Míaƒe ŋutifafa
Alo aklã mí ɖa tso
Tɔ ƒe lɔlɔ̃ gbɔ o,
Elabe èkpɔa mía dzi
Le gbɔdzɔgbɔdzɔɣi.