86. Oo Aƒetɔ, medzesi dzidzɔ vivi

traduit de « Je la connais, cette joie excellente »

1.
Oo Aƒetɔ, medzesi dzidzɔ vivi,
Si wò Gbɔgbɔ dena dzi me n’ame ;
Mekpɔ dzidzɔ, ẽ, dzi le nye luʋɔ dzɔm,
’Labe menya be wòenye Ɖela nam.
2.
Ame vlo menye gake nèlɔ̃m kaka
Tsɔ ɖokuiwò hesavɔ ɖe tanye ;
Wò ŋutɔ wò ʋu klɔ nye ɖiƒoƒo ɖa ;
’Ye to wò ku me mel’agbe na wò.
3.
Nuka gɔ̃ magadi l’anyigba sia dzi
L’esime mezu wò lɔlɔ̃ ƒe nu,
L’esime wò amenuveve kla nam
Ŋdikanya, gbawotsyogbe, Ɖela nyui !
4.
Ne le nye mɔzɔzɔ me, le nye mɔ dzi
Makpe fu alo ase veve hã,
Ɖee maŋlɔ be, le ɣeyiɣi kpui sia me
Be, kristotɔ menye tsyuẽvi o oa ?
5.
Ẽ, lɔlɔ̃tɔ, wòe, wò dɔmefafa ye
Kplɔa ny’afɔɖeɖewo le wò ŋku me ;
Ɖee maganɔ konyi fam nublanuitɔe
L’esime mele tetem ɖ’aƒe ŋua ?
6.
Mawu, luʋɔnye nenɔ aseye tsom
Le wò hadede me, le’ƒe mɔa dzi ;
Nye dzi, le ŋusẽ kple dzidzɔ me, nenɔ
Nyɔnyrɔ̃ ɖe Gbɔgbɔ me ƒe vivi sem.