90. Oo, Mawu, nye ɖeɖe ƒe Mawu

traduit de « Que ne puis-je, ô mon Dieu, Dieu de ma délivrance... »

1.
Oo, Mawu, nye ɖeɖe ƒe Mawu ! Ɖe mate ŋu
Atsɔ kafukafu yɔ dziƒokpl’anyigba,
Atsɔ wo wɔ ɖasefo na nye akpedada,
’Ye magblɔ nye dzidzɔ gã na xexea katã !
2.
Dzi dzɔam, ne mele to ɖo wòm, ’ye Nya, si gblɔ be :
“ Kekelia nèdo ”, ’ye kekelila do la,
Bɔbɔ va gbɔnye ke, ’ye wòfiaa num, faa ’kɔ nam,
Eye wògblɔ nam be : « Ɖeɖemɔ lae nye ’si. »
3.
Dzi dzɔam, ne mele nu ƒom na wò, ’ye tso ke me
Mele nye bubu kple nye didi tsɔm na wò
Kpakple vɔvɔ̃ kɔkɔe, si dze na Mawu gã la,
Le vi kple Fofoa ƒe kadede nyuitɔ me.
4.
Dzi dzɔnam ne mele wò ŋku me kple tɔwòwo
Le subɔwòm, ’Ƒetɔ, le wò ŋkeke la dzi,
Ne míeyi ’menuveve fiazi ŋgɔ le ha me,
’Fisi míexɔa lɔlɔ̃ ƒe ŋuɖoɖowo tso.
5.
Dzi dzɔam, ẽ, dzi dzɔam ɖaa !
Mawu ŋ’sẽtɔ nye Tɔ nam
Kristo zu nye Ɖela, Gbɔgbɔ la, nye kplɔla.
Nuka tsiẽƒe axɔ, nuka xexeame ana
’Mesi kpɔa dzidzɔ le Mawu kɔkɔe la me ?