114. Yesu, míateŋ’ dze yowò me

traduit de « En paix nous pouvons Te suivre »

1.
Yesu, míateŋ’ dze yowò me
Le ɖokuibɔbɔ mɔa dzi ;
’Fisi nèlɔ̃ be yeazɔ le,
Ne xexea menya wò hã.
’Fisi nètsi akogo le,
’Ye nèwɔ nyui ɖe nyui dzi ;
Mɔ, si dzi ame blibo la
Ƒe dzi dzadzɛ la klẽ le.
2.
Mɔ sia nunyuiwo xɔasi loo !
Lɔlɔ̃ ƒe kesinɔnu,
Kɔkɔenyenye, kekeli koe
Mawu ŋutɔ kpɔ l’edzi !
Azɔ, ’si wogbugbɔ mí dzi
Na wò, to wò lɔlɔ̃ me,
Míate ŋu zɔ wò fliwo me,
Wò, xɔse ƒe yayranu !
3.
Ne mía ŋutilã le fiafiãm,
Le nuxaxa kple fu me,
Ne míele vevesese kpɔm
Le yowò me, Oo Ɖela,
Togbɔ be míegbɔdzɔ hã la,
Míaƒe ŋkuwo nɔa dzi wò
Be wò nyenye kɔkɔea ƒe ɖe
Nate ŋu dzé le mía me.
4.
Gake mɔ la awu nu le
Ŋutikɔkɔe du la me.
Afisi Mawu-Dziɖula
Ƒe ŋkume le keklẽm le.
Afima le wò ŋku me la
Míazu blibo, asubɔ,
Axɔ ŋuikɔkɔe, aɖi ƒo,
Yesu, ’labe míaɖi wò.