146. L’ agbe sia me, n’ ahomya

traduit de « Contre moi, dans ce monde »

1.
L’agbe sia me, n’ahomya
Ho helũ ɖe dzinye,
Le gbe ɖem ŋɔdzitɔe hã,
Ɖee nye dzi aʋuʋua ?
Gbeɖe nyemavɔ̃ kpɔ o,
’Labe Yesu li kplim ;
Eƒe amegbɔnɔnɔ
Nyaa vɔvɔ̃wo keŋ ɖa.
2.
Ɖe agbea do viviti
Ɣeaɖewoɣi na ma ?
Oo Ɖela ŋuikɔkɔetɔ,
Enyaa blukɔawo ɖa.
L’alilikpowo megbe,
Meteŋ’kpɔa wò keklẽ.
Wò ’mekpɔkpɔ doa ŋusẽm,
Yɔnam kple dzɔgbenyui.
3.
Ne gbɔdzɔgbɔdzɔ tem ɖi
L’afɔkuwo me hã,
Kplɔla nyui, ɖee nyemele
Wò akɔme ɖaa oa ?
Ameka aklãm ɖa tso
Wò lɔlɔ̃ matrɔa gbɔ ?
Le wò aʋala te la
Ŋɔ madzim gbeɖe o.
4.
Ẽ, nye kplu la yɔ gba go :
Medzesi wò lɔlɔ̃,
Wò ’menuveve mavɔ
Anɔ kplim gbesiagbe.
Le nye ’medzromɔzɔɣi
L’anyigba sia dzi la,
Wòenye nye gomekpɔkpɔ,
’Ye màte ŋu trɔ o.