191. Aƒetɔ, wò ’meƒeƒlewo

traduit de « Bientôt, Seigneur, sur ta face... »

1.
Aƒetɔ, wò ’meƒeƒlewo
Kpuie la, woate ŋu akpɔ
Amenuveve dzesi kple
Keklẽ ŋusẽ le wò mo.
2.
Ne ame ƒe luʋɔ kɔ yi
Dzi boo hã la, Oo Yesu,
Bebli ye wòate ŋu aka
Wò awutoga ŋuti.
3.
Eye wò amekɔkɔewo
Ƒe kafukafu dzesi,
Nardomi dzadzɛ, si woasi
Na wò afɔ ko wònye.
4.
Ŋkeke gbɔna l’anyigba dzi,
’Si dzi dukɔwo atsɔ
Woƒe nunanawo ayi
Na wò, le wò kɔkɔeƒea.
5.
’Ye woano tɔsisi, si le
Dzidzim tso kɔkɔeƒe la
Hetsɔa ’gbetsiwo ɖia kɔ na
Mawu ƒe du kɔkɔe la.
6.
Wò, Alẽvi, si nye Fia la,
Aseyetsotsowo kple
Lɔlɔ̃ha mavɔ ava ɖi
Le wò xɔxɔnu tegbee !
7.
Kpuie la, Hame, si lɔ̃na wò,
Le numakemake me,
Ada eƒe fiakuku ɖe
Wò fiazi ŋgɔ, Oo Ɖela !